यता, समाजवादीको जिल्ला अध्यक्ष योगीले भने उक्त पत्र औचित्यहीन रहेको बताएका छन् । उनले रातोपाटीसँग भने, ‘हामी एकीकृत समाजवादीमा लागिसकेपछि र हाम्रो पार्टी भइसकेपछि लेखेको चिठीको कुनै अर्थ छैन । पार्टीमा आएको समस्याले हाम्रो पार्टी अलग भइसक्यो । म नेकपा एकीकृत समाजवादीको जिल्लाको अध्यक्ष हो ।’

केही समय अघि नै रवीन्द्रराज शर्माले योगीलाई कारबाही गरेको भनेर पत्रसमेत लेखेका थिए । ‘अहिले कारबाही फुकुवा भनेर लेख्नुभएछ,’ उनले भने, ‘उहाँहरु यस्ता कृत्रिम कामहरु गर्नुहुन्छ । कुनै पनि पार्टीको प्रमुखले यस्तो पत्र लेख्नु गलत हो । फकाउन खोज्नु भएछ ।’

योगीले एमालेमा नैतिकता नरहेका कारण यस्ता पत्र पठाइएको पनि जिकिर गरेका छन् । दैलेखमा राम्रो छवि बनाएका नेता योगी एमालेको नवौं महाधिवेशनमा दैलेखको उपाध्यक्षमा पराजित भएका थिए । उनी तत्कालीन नेकपाको जिल्ला कमिटी सदस्य थिए । एमालेभित्रको विवाद उत्कर्षमा पुगेकै बेला वैशाख १३ गते उनको नेतृत्वमा एमालेले समानान्तर कमिटी गठन गरेको थियो ।

माधवकुमार नेपाल एमालेबाट छुट्टिएपछि समानान्तर कमिटी नेकपा एकीकृत समाजवादीमा विलय भएको थियो ।