यस्तोमा एथलेटिको २ अंकले अघि छ । अन्तिम खेलमा रियलले आगामी साता भिल्लरियल र एथलेटिकोको ओसाशुनाको सामना गर्दैछन् र यी खेलले नै उपाधि विजेताको छिनोफानो गर्नेछ । ‘मैले कसरी खेलाडीहरुलाई क्लब छाड्दैछु भन्नसक्छु । हामीले उपाधिका लागि सबै दिएका छौं र यस्तो अवस्थामा कसरी मैले खेलाडीहरुलाई म रहनेछैन भन्छु,’ जिदानले रिपार्टरहरुसँग भने,‘ क्लबबाहिर रहेका मानिसहरुले जे पनि भन्नसक्छन् । तर म खेलाडीहरुसँग यस्तो कहिल्यै भन्दिंन ।’

जिदानले क्लबका अहिले दोस्रो कार्यकाल प्रशिक्षकका रुपमा काम गरिरहेका छन् । पहिलो कार्यक्रममा उनले ला–लिगा उपाधिसँगै क्लबलाई लगातार तीनपटक युरोपेली च्याम्पियन बनाएका थिए ।

दोस्रो कार्यकालमा पनि उनले एकपटक ला–लिगा उपाधि जिताइसकेका छन् । यसपटक च्याम्पियन्स लिगको सेमिफाइनलबाट बाहिरिएको रियलले ला–लिगा उपाधिलाई नै आफ्नो लक्ष्य बनाएको छ ।