१९ माघ, काठमाडौं । क्रिप्टोकरेन्सीको आगमनसँगै विश्वको डिजिटल दुनियाँमा एक प्रकारको क्रान्ति नै आएको छ। पछिल्लो समयमा एक नयाँ विषय पनि निकै चर्चामा छ, त्यो हो एनएफटी।विश्वमा विभिन्न एनएफटीहरु करोडौँ डलरमा बिक्री भएका समाचार पनि सुन्न पाइन्छ।
कतिपय सेलिब्रेटीहरुसमेत एनएफटीको दुनियाँमा उपस्थित भैसकेका छन्।
आखिर के हो एनएफटी ?
एनएफटी अर्थात् नन फङ्गिबल टोकन एक डिजिटल सम्पत्ति हो। यो ब्लकचेन प्रविधिमा आधारित छ । यसको मद्दतले तस्वीर, जीआईएफ, भिडियो क्लिप, पेन्टिङ तथा अन्य डिजिटल सम्पत्तिहरुको स्वामित्वको हक तय गरिन्छ। त्यसपछि उक्त सम्पत्तिलाई खरीद बिक्री गर्न सकिन्छ । एनएफटीको खरीद तथा बिक्री डिजिटल रुपमै हुन्छ ।
