यस्तै, साताअघि ५ महिने शिशु अस्मिता श्रेष्ठले पनि कोरोनालाइ जितेकी थिइन् । अक्सिजन लेभल अत्यन्तै कम भएको अवस्थामा ती शिशुलाइ कोभिड अस्पतालमा भर्ना गरिएको थियो । अस्पताल इन्चार्ज अमृत कार्कीका अनुसार बालरोगका चिकित्सको प्रत्यक्ष निगरानीमा उपचार गरिएपछि स्वस्थ भएर ती शिशु घर फर्किएकी छन् ।

अर्की ८१ वर्षीय वृद्धा कमलामाई नगरपालिका ७ खेरेनीकी चन्द्रकुमारी खड्काले पनि कोभिड अस्पतालमा उपचार गराएर १० दिनअघि कोरोना संक्रमणबाट मुक्त भएकी थिइन् ।

स्वास्थ्य कार्यालयका अनुसार सिन्धुलीमा दुईसय ८८ संक्रमित निको भएर घर फर्किएका छन् । संस्थागत आइसोलेसनमा २२ जना रहेका छन् भने होम आइसोलेसनमा एकहजार दुईसय २२ जना संक्रमित रहेका छन् ।जिल्लामा १ हजार ५ सय ५२ जना सक्रिय संक्रमित रहेका छन् । २५ जनाको कोरोना संक्रमणबाट मृत्यु भएको छ ।