सोमबारदेखि लगातार परेको वर्षाका कारण आएको बाढीले कास्कीको मादी गाउँपालिकामा निर्माण भइरहेका सुपर मादी हाइड्रो पावरमा ठुलो क्षति पुर्याएको छ। बाढीले हाइड्रो पावरका २ वटा जेसिबी, एउटा टिपर,हाइड्रोमा प्रयोग भएका पाइप,जेनेरेटर,रड,सिमेन्ट,एक्स्काभेटर,लोडर,आरएमसी सेट,क्रसरको ४ युनिट,ठुलो जेनरेटर,लगायत निमाणमा प्रयोग हुने विभिन्न

उपकरणहरु बढीले बगाएको आयोजनाले जनाएको छ। अविरल वर्षापछि मेलम्चीमा भीषण बाढी आएको छ। मेलम्चीमा आएको बाढीले त्यस आसपासका बस्ती बगाएको छ र विद्युत आपुर्ती समेत बन्द भएकाले सुरक्षाकर्मीहरु उद्दार र क्षती संकलनमा जान पाएका छैनन् । बाढी आएपछि हेलम्बु, मेलम्ची वरपरका स्थानीयको भागाभाग भएको थियो।

मंगलवार बेलुका साढे ६ बजे मेलम्ची खानेपानीको मुहानभन्दा ९ किलोमिटरमाथि हेलम्बु १ स्थित नाकोटे भन्ने ठाउँमा पहिरो गएको थियो। बाढी र पहिरोले हेलम्बुको तिम्बु बजार सिंगै बगाएको बताइएको छ। यसैगरी चनौते भन्ने बजार पनि पानी पसेको छ। स्थानिय ७ जना सम्पर्क विहिन भएको प्रारम्भिक जानकारी छ।

मेलम्ची आयोजनाको सुरक्षार्थ रहेको सशस्त्र प्रहरी र चिनीयाको क्याम्प पनि डुबानमा परेका छन्। इलाका प्रहरी कार्यालय हेलम्बुमा पनि पानी पसेको छ। नदी छेउछाउमा रहेका टहरा र घरहरु सबै बगाएको स्थानिय पत्रकारले जानकारी दिएका छन् । कही पक्की पुलहरु पनि बाढीले बगाएको छ ।

सोमबारदेखि अविरल रुपमा परेको बर्षापछि आएको बाढीले करिब ५० करोड बराबरको क्षति भएको सुपर मादी हाइड्रो पावरका अध्यक्ष पुष्पज्योती ढुङ्गानाले जानकारी दिए । उनले हाइड्रो पावरमा प्रयोग हुँदै आएका सानादेखि ठुला मेसिनरी औजारदेखि ठुलो परिणामका रड सिमेन्ट, गिट्टी, वालुवा र क्रसर समेत बाढीले बगाएको बताए ।

यता,नारायणी नदीमा पानीको बहावले खतराको विन्दु पार गरेको छ। जिल्ला आपत्कालीन सञ्चालन केन्द्रका अनुसार अपराह्न ४ बजेदेखि पानीको बहाव बढ्दै गएको हो। मनाङमा निकै ठूलो क्षति पुर्‍याएको छ। बाढीले घर,सरकारी कार्यालय, काठेपुल र सडक बगाएको छ। केही गाउँका घर डुबानमा परेका छन् भने लघुविद्युत गृह भत्केको छ।