फ्लिन पनि भारत हुँदै तीन दिने नेपाल भ्रमणका लागि आइपुगे । उनले प्रधानमन्त्री शेरबहादुर देउवा, प्रधानसेनापति प्रभुराम शर्मालगायत उच्च अधिकारीहरुसँग भेट्ने कार्यक्रम छ । सेनापति शर्मा पनि असारमा अमेरिकाको भ्रमणमा जाँदैछन् ।
पछिल्लो समय अमेरिकी अधिकारीहरुको नेपाल भ्रमण बाक्लिएको छ । केपी शर्मा ओली प्रधानमन्त्री हुँदा चिनियाँ अधिकारीहरुको आवतजावत् बाक्लिएको थियो । अहिले देउवाको कार्यकालमा अमेरिकी अधिकारीहरुको दौडधूप चलेको छ । अमेरिकी सहयोगसम्बन्धी एमसीसी पनि संसदबाट पारित भएको छ । युएसएआइडीको सहयोग पनि बढेको छ ।
