न् १९९५ मा आएको फिल्म ‘बरसात’ बाट मुख्य कलाकारको रुपमा आफ्नो करियर सुरु गरेका बबी देओलले फिल्म उद्योगमा २५ वर्ष पूरा गरिसकेका छन् ।
यस क्रममा उनले विभिन्न चरणहरू देखे। उनले स्टारडमको युग देखे जब उनको लामो कपाल र सनग्लास युवाहरूमा क्रेज थियो, र खराब समय पनि जब उनको फिल्म आउन बन्द भयो ।
हाल, बबी देओल ठूलो पर्दा र ओटीटी दुबैमा सक्रिय छन्।
बीबीसी हिन्दीसँगको कुराकानीमा बबी देओलले आफ्नो करियरको हरेक चरणको बारेमा कुराकानी गरेका छन् । यस्तै उनले एकपटक त आफैँमाथि दया लाग्नसमेत थालेकोसमेत बताए ।
बबी देओल भन्छन्, ‘सुरुको सात(आठ वर्षमा मेरो करियर राम्रै चल्यो । पहिले म पहिला म कुराहरुलाई फेस भ्यालुमा लिने गर्दथेँ । मलाई थाहा थिएन कि मानिसहरूले पछाडिबाट तपाईंको काम खोस्नेछन् । त्यसैले मैले धेरै प्रोजेक्ट गुमाएँ । त्यसपछि तपाईं बिस्तारै गलत फिल्महरू छनोट गर्न थाल्नुहुन्छ । मानिसहरू किन तपाईंसँग काम गर्न चाहँदैनन् भन्ने कुरा तपाईंले बुझ्न सक्नुहुन्नँ । अचानक तपाईंले हार मान्न थाल्नुहुन्छ ।’
आफ्नो कठिन समयलाई सम्झँदै बबी भन्छन्, ‘म आफैंमा दुःखी हुन थालेको थिएँ । मैले यस्तो कहिल्यै गर्नुहुँदैनथ्यो । जब म बाहिर जान्थेँ, मेरा फ्यानहरूले मलाई भेट्थे । उनीहरूले ‘सर हामीले तपाईंलाई पर्दामा देख्नुपर्छ’ भन्थे । त्यसपछि मलाई लाग्थ्यो कि यदि मेरा फ्यानले मलाई हेर्न चाहन्छन् भने मैले काम किन पाइरहेको छैन ?’
‘बुवा, तपाईं घरमै बस्नुहोस्, काममा जानुहुन्नँ ? ’
बबी देओलले आफू कहिल्यै ठूलो स्टार वा सुपरस्टार बन्ने चक्करमा नपरेको बताउँछन् । उनलाई त मानिसको मनमा ठाउँ बनाउन मनपर्छ । तर, एकपछि अर्को धेरै फिल्महरू बक्स अफिसमा असफल भएपछि मानिसहरूले उनीसँग काम गर्न अस्वीकार गर्न थाले ।
उनका अनुसार उनले एक समय त हार मान्न थालेको बताए । उनी भन्छन्, ‘मेरा छोराहरू सानै थिए । उनीहरूले मलाई भन्थे ‘बाबा, तपाईं घरमा मात्रै बस्नुहुन्छ, काममा जानुहुन्नँ । मम्मी काममा जानुहुन्छ । त्यसपछि मलाई महसुस भयो कि आखिर मैले के गरिरहेको छु ?’
उनी भन्छन्, ‘मैले हार मानेको छैन भन्ने महसुस गरेँ । म घरमा बसिरहेको र मेरी श्रीमती काम गरिरहेकी छन् भन्ने मेरा छोराछोरीले हेरिरहेका छन् । मैले आफ्ना बच्चाहरूका लागि राम्रो उदाहरण बन्ने निर्णय गरेँ । यदि मैले हार मानेँ भने मेरा बच्चा कसरी अघि बढ्छन् भन्ने लाग्यो । त्यसपछि आफैँले कडा मेहनत गरेर आफ्नो स्वास्थ्यको ख्याल गर्न थालेँ ।’
खराब समयमा सलमानले दिए साथ
बबी देओलले आफ्नो खराब अवस्थाको बारेमा बताउँदै सलमान खानको सल्लाह पनि उल्लेख गरेका छन् । उनका अनुसार यस क्रममा उनले दाह्री पालेको बताएका थिए ।
उनी भन्छन्, ‘सलमानले मलाई भेट्दा ‘किन दाह्री पालेको ’ भनेर प्रश्न गर्दथे । म उसलाई मायाले मामू भन्छु, ‘मलाई कसैले पनि काम दिँदैन’ पनि भन्थेँ । मेरो यस्तो कुरामा सलमान भन्थे, ‘जब मेरो खराब समय चलिरहेको थियो तब म सञ्जयको पिठ्युँमा चढेको थिएँ । ’ त्यसपछि मैले ‘मामू, मलाई अब मलाई तिम्रो पिठ्युँमा चढ्न देउ, मलाई पनि काम देऊ’ भनेँ । त्यसपछि मैले रेस–थ्री पाएँ ।’
शेखर कपुर बबी देओललाई लञ्च गर्न लागेका थिए
बीबीसीसँगको कुराकानीमा बबी देओलले आफ्नो करियरको सुरुवाती दिनको बारेमा पनि खुलेर कुरा गरे । उनले बुवा धर्मेन्द्रको फिल्म ‘धर्मवीर’ मा बाल कलाकारको रुपमा काम गरेका थिए । यसबारे एउटा किस्सा सुनाउँदै बबी भन्छन्, ‘जब म ६ वर्षको थिएँ, बुबा आएर मेरो बाल्यकालको भूमिका तिमीले गर्छौ भनेर सोधेका थिए, मैले भनेँ, ‘किन नगर्ने ?’ त्यतिबेला मेरो लुगा एकै रातमा बनाइएको थियो । ’
बबी देओलले आफ्नो पहिलो फिल्म शेखर कपुरले निर्देशन गरेको र यसको सुटिङ २७ दिनसम्म चलेको बताए । तर शेखर कपुरलाई हलिउडबाट अफर आयो, जसका कारण फिल्म पूरा हुन सकेन ।
बबी देओल भन्छन्, ‘अचानक उनलाई हलिउडबाट अर्को फिल्मका लागि अफर आउँदा मेरो बुवाले ‘यो मेरो छोराको पहिलो फिल्म हो, यो फिल्म गर्ने कि हलिउड गर्ने, यो निश्चित गर’ भन्नुभयो । शेखर कपुर अर्को फिल्म गर्न गए ।’
बबी देओल भन्छन्, ‘त्यतिबेला राजकुमार सन्तोषीले फिल्म ‘घायल’ बनाइसकेका थिए, दाइको उनको राम्रो मित्रता थियो । सन्तोषी पनि उत्साहित थिए । फेरि सुटिङ सुरु भयो । झण्डै २ वर्ष लाग्यो । त्यसपछि सन् १९९५ मा पहिलो फिल्म रिलिज भयो । मेरो सनग्लास र लामो कपाल एउटा ट्रेन्ड बन्नेछ भन्ने मलाई विश्वास थिएन ।’
