काठमाडौं :  परराष्ट्रमन्त्री प्रदीप ज्ञवालीले नेपालको नयाँ नक्सा चाडै जारी हुने जानकारी गराएपछि नायिका मनिषा कोइरालाले एक स्टाटस लेखेकी थिइन् । उक्त स्टाटसलाई लिएर भारतीय मिडियाले अहिले मनिषा कोइरालालाई तुच्छ गालीगलौज गरेका छन् । नेपालको नयाँ नक्साबारे मन्त्री ज्ञवालीको ट्विटमा टिप्पणी गरेका आधारमा भारतीय टिभी एबीपी न्यु्जसहित विभिन्न मिडियाले मनिषा कोइरालालाई गाली गरेका छन् ।

ज्ञवालीको सोही ट्विटमा प्रतिक्रिया लेख्दै मनिषाले सानो राष्ट्र भए पनि नेपालको यो प्रयास सकारात्मक भएको उल्लेख गरेकी थिइन् । भारतिय मिडियामा नायिका मनिषाबारे विभिन्न प्रतिक्रियाहरु आएपछि नेपालका चर्चित सञ्चरकर्मी रवि लामिछानेले सामाजिक सञ्जालमा एक स्टाटस लेखेका छन् । उनले भारतिय मिडियालाई आफ्नै सरकारले संयुक्त राष्ट्रमा वुझाएको नक्साको अध्ययन गर्न सुझाव दिएका छन् ।

उनले लेखेका छन् –“मनिषा कोईरालाको एउटा टुइटले यति धेरै पसिना? कठै भारतिय मिडिया !आफ्नो माटोको पक्षमा बोल्ने एक नायिका माथी गाली गलौज जस्तो तल्लो स्तरमा उत्रनुपरेछ । कहिल्यै अर्काको उपनिवेश नभएको, स्वतन्त्रता दिवस कहिल्यै मनाउन नपर्ने, जन्मै देखि स्वतन्त्र देश नेपालकी छोरी हुन् – मनिषा कोइराला , अनि बोल्दिनन त ? And I strongly suggest all Indian medias to study your own map that was submitted to the United Nations by your own government. Please take a look at our political map issued officially today.”