तपाईको घरमा मुसा छ ? सचेत रहनुस् तपाईको घरमा भएको मुसामा कुनै रोग छ भने त्यसबाट तपाईमा स्क्रब टाईफस भन्ने रोग लाग्नसक्छ । यदी तपाईको घरमा रहेको मुसामा किर्ना जस्तो देखिने सानो किरा परेको छ भने सो किराको टोकाईबाट तपाईमा स्क्रब टाईफस सर्ने सम्भावना हुन्छ ।
स्क्रब टाईफस एक किसिमको सरुवा रोग हो । प्रया मुसा बस्ने खेतवारी, वन, घर वरीपरी झाडी हुने ठाउँमा यो किरा हुने गर्छ ।
यसको टोकाइबाट स्क्रब टाईफस भएमा मानिसमा विभिन्न किसिमको लक्षणहरु देखिन्छ ।
स्क्रब टाईफसका लक्षण
–धेरै ज्वरो आउनु,
–टाउको धेरै दुख्नु,
–पसिना धेरै आउनु,
–आँखा रातो हुनु,
–झाडापखाला लाग्नु,
–किराले टोकेको ठाउँमा रातो डावर जस्तो दाग देखिनु,
– किराले टोकेको ठाउँमा कालो दाग बस्नु ।
यो रोग लागेमा समयमा उपचार नभएमा कडा खालको श्वास प्रश्वासका समस्याहरु हुन सक्छ । दम बढेर श्वास फेर्न गाह्रो भई बिरामी सिकिस्त हुने र शरीरका मुख् अङ्गहरुले काम गर्न छाडेर मृत्यु नै हुने जोखिम समेत रहन्छ ।
स्क्रब टाईफसबाट बच्ने उपाय
–खेतवारीमा काम गर्दा, झाडीमा जाँदा वा घास काट्न जाँदा पुरा शरीर ढाकिने कपडा लगाउने,
– सम्भव भएसम्म बुट लगाउने,
–सकेसम्म घाँसवारी वा चउरमा नबस्ने, बस्नै परे गुन्द्री ओछ्याएर बस्ने,
–सम्भव भएसम्म भुँइमा नबस्ने,
– खाट वा अग्लो स्थानमा बस्ने, सुत्ने,
–घर वरपर झाडी तथा घाँस बढ्न नदिने,
–घर, गोठमा मुसा नियन्ण गर्ने ।
