प्रधानमन्त्री बालेन्द्र शाह बालेनको भारत भ्रमण टोलीमा दुई मन्त्रीसहित ३४ सदस्यीय हुने भएको छ । साथमा ५२ जना सदस्यीय व्यवसायीको टोली पनि निजी खर्चमा जाने भएको छ परराष्ट्र मन्त्रालयले शुक्रबार आयोजना गरेको पत्रकार सम्मेलनमा प्रधानमन्त्रीको भारत भ्रमण टोली ३४ सदस्यीय हुने जानकारी दिइएको हो । बालेन आइतबार अर्थात मंसिर ६ गते दुई दिने भारत भ्रमणमा जाने भएका हुन । परराष्ट्र मन्त्रालयले आज पत्रकार सम्मेलन गर्दै भ्रमणबारे औपचारिक जानकारी गराएको छ ।
अर्थमन्त्री डा. स्वर्णिम वाग्ले र परराष्ट्रमन्त्री शिशिर खनाल पनि प्रधानमन्त्रीसँग भारत जाने कार्यक्रम तय भएको छ ।प्रधानमन्त्रीका प्रमुख सल्लाहकार कुमार व्यञ्जनकार तथा नेपाल सरकारका अन्य उच्चपदस्थ अधिकारी रहनेछन्। प्रधानमन्त्री शाहको टोली आइतबार १ः४५ बजेको नेपाल वायु सेवा निगमको नियमित उडानबाट प्रस्थान गर्ने भएका छन् ।
भ्रमणका क्रममा प्रधानमन्त्री शाहले भारतका राष्ट्रपति द्रौपदी मुर्मुसँग शिष्टाचार भेट गर्नेछन् भने आफ्ना भारतीय समकक्षीसँग प्रतिनिधिमण्डल स्तरमा वार्ता गर्नेछन्। प्रधानमन्त्री मोदीले प्रधानमन्त्री शाहको सम्मानमा औपचारिक दिवाभोजको आयोजना गर्नेछन्।यस्तै भारतका विदेशमन्त्री जयशंकरले पनि प्रधानमन्त्री बालेनसँग शिष्टाचार भेट गर्नेछन्। भारत भ्रमण सकेर प्रधानमन्त्री बालेन नोभेम्बर २३ अर्थात मंसिर ७ मा काठमाडौँ फर्कनेछन्।
